АМҲАЏЬЫРАА РГАРАШӘА (ШЬЫШЬ НАНИ)

​

Шьышь, нани, шьышь, нани,

Уцәа, сарԥыс, уанани,

Рыҩны уҟам уаби уани,

Амшын Еиқәа уамами!

​

Згәы шьҭыҵуа ацәқәырԥақәа

Уа урҵысуа урымами,

Аԥша унырдоит аԥра шлақәа,

Аимҵәаҩ иӷба угарами.

Аԥша анырзас ӷәӷәалашәа,

Ртәыла хәыҷы рымнахырц,

Амшын шаҵааз угәаларшәа

Амҳаџьырқәа рылабжыш.

Шьышь, нани, шьышь, нани, Уцәа, сарԥыс, уанани,

Рыҩны уҟам уаби уани,

Амшын Еиқәа уамами!

Уандухалак Амшын Еиқәа

Ур, уҩныжәқәа имыӡӡахьоу,

Аҟарма рыҟәных архнышьнақәа,

Амца еиқәуҵап ицәахьоу!

Нас уи аҳәа уԥсадкылаз

Ахьыӡ зларгоз уабацәа,

Ахаҵа-ихаҵа, уԥсадгьылаз

Раԥхьа унагыл ақәԥацәа!

Шьышь, нани, шьышь, нани, Уцәа, сарԥыс, уанани,

Рыҩны уҟам уаби уани,

Амшын Еиқәа уамами!

​

БАГРАТ ШЬЫНҚӘБА